ⵍⴻⵣⵣⴰⵢⴻⵔ ⵏ ⵜⵍⵉⵖⵡⴰⵍⵜ ⴷ ⵜⴰⵕⵎⵉⵙⵜ ⵙ ⵜⴼⵓⵍⵉⵏ ⵢⴻⵙⵄⴰⵏ ⵉⵀⵔⴰⵏ ⴷ ⵉⵏⴰⴳⴷⵓⴷⴻⵏ, ⵜⴻⵜⵜⵎⴰⵀⴰⵍ ⴷⴻⴳ ⵡⵓⵍⵣⵓⵣ ⵏ ⵢⵉⵥⴻⴹⵡⴰⵏ ⴷ ⵢⵉⵎⴻⵥⵍⴰ ⵏ ⵜⴻⵖⵡⴰⵍⵜ ⵜⴰⵍⵉⴽⵜⵕⵓⵏⴰⵏⵜ. ⵜⵍⵓⵍ-ⴷ ⵙ ⵓⵙⴰⴹⵓⴼ ⵏ 2000/03 ⵏ 5 ⵖⵓⵛⵜ 2000 ⴰⵢ ⴷ-ⵢⴻⵙⴱⴰⵏⴻⵏ ⵉⵍⵓⴳⴰⵏ ⵉⵎⵓⵜⴰ ⵢⴻⵇⵇⵏⴻⵏ ⵖⴻⵔ ⵜⵏⴰⵣⴻⵏⵜ ⴷ ⵜⵍⵉⵖⵡⴰⵍⵜ ⴷ ⵜⵏⴻⵖⵜⵓⵙⵉⵏ ⵏ ⵓⵙⴻⵇⵇⴰⵎⵓ ⴰⵖⴻⵍⵏⴰⵡ ⵏ ⵢⵉⵜⵜⴻⴽⴽⵉⵢⴻⵏ ⵏ ⵓⵡⴰⵏⴰⴽ ⵏ 1 ⵎⴻⵖⵔⴻⵙ 2001 ⵢⴻⵇⵇⵏⴻⵏ ⵖⴻⵔ ⵓⵙⵙⴻⵖⵏⴻⵡ ⵏ ⵜⴻⵕⵎⵉⵙⵜ ⵜⴰⵏⴰⴳⴷⵓⴷⵜ ⵜⴰⴷⴰⵎⵙⴰⵏⵜ ⵢⴻⵜⵜⵡⴰⵙⴻⵎⵎⴰⵏ “ⵍⴻⵣⵣⴰⵢⴻⵔ ⵏ ⵜⵍⵉⵖⵡⴰⵍⵜ”.

ⵙ ⵡⴰⵢⴰ, ⵍⴻⵣⵣⴰⵢⴻⵔ ⵏ ⵜⵍⵉⵖⵡⴰⵍⵜ ⵙⵙⴻⴼⵔⴰⴽⴻⵏ-ⵜⵜ ⵢⵉⴷⵕⵉⵙⴻⵏ ⴰⵢ ⴰⵙ-ⵢⴻⴼⴽⴰⵏ ⴰⵥⴰⵢⴻⵔ ⵏ ⵜⴻⵕⵎⵉⵙⵜ ⵜⴰⵏⴰⴳⴷⵓⴷⵜ ⵜⴰⴷⴰⵎⵙⴰⵏⵜ ⵙ ⵜⴰⵍⵖⴰ ⵜⴰⵣⴻⵔⴼⴰⵏⵜ ⵏ ⵜⴻⵕⵎⵉⵙⵜ ⵙ ⵜⴼⵓⵍⵉⵏ ⵙ ⵢⵉⵀⵔⵉ ⴰⵏⵎⴻⵜⵜⵉ ⵏ 115.000.000.000,00 ⵏ ⵢⵉⴷⵉⵏⴰⵕⴻⵏ ⵢⴻⵔⵏⵓ ⵜⴻⵜⵜⵡⴰⵙⵙⵉⴳⴳⴻⵣ ⴷⴻⴳ ⵡⴰⵎⵎⴰⵙ ⵏ ⵓⵙⴻⴽⵍⴰⵙ ⵏ ⵜⵏⴻⵣⵣⵓⵜ ⴰⵙⵙ ⵏ 11 ⵎⴰⵢⵓ 2002 ⵙ ⵡⵓⴹⴹⵓⵏ 02ⴱ 0018083.

ⵍⴻⵣⵣⴰⵢⴻⵔ ⵏ ⵜⵍⵉⵖⵡⴰⵍⵜ ⵜⵀⴻⵢⵢⴰ-ⴷ, ⴷⴻⴳ ⵓⴽⴰⵜⴰⵔ ⵏ ⵓⵙⵙⴻⵊⵀⴻⴷ ⴷ ⵓⵙⵙⵉⵏⴻⴹ ⵏ ⵢⵉⵔⵎⵓⴷⴻⵏ-ⵏⵏⴻⵙ, ⴰⵖⴰⵡⴰⵙ ⵏ ⵓⵙⵙⴻⴱⴷⴻⴷ ⵏ ⵢⵉⴼⵓⵔⴽⴰ ⵢⴻⵇⵇⵏⴻⵏ ⵖⴻⵔ ⵢⵉⵔⵎⵓⴷⴻⵏ ⵢⴻⵎⴳⴻⵔⵔⴰⴷⴻⵏ ⵢⴻⵔⵣⴰⵏ ⵜⴰⵙⴰⵡⵍⴰ ⵜⴰⵣⵉⵔⴰⵣⵜ ⴷ ⵢⵉⵎⴻⵥⵍⴰ ⵏ ⵓⴳⴻⵏⵙⴰ, ⵢⴻⵔⵏⵓ ⴷ ⴰⵢⴰ ⴰⵢ ⵜⵜ-ⵢⴻⴵⴵⴰⵏ ⴰⴷ ⵜⴻⵇⵇⴻⵍ ⴷ ⵜⴰⴳⵔⴰⵡⵜ ⵡⵓⵖⵓⵔ ⵇⵇⵏⴻⵏ ⵙⵉⵏ ⵏ ⵢⵉⴼⵓⵔⴽⴰ: ⵍⴻⵣⵣⴰⵢⴻⵔ ⵏ ⵜⵍⵉⵖⵡⴰⵍⵜ ⴰⵣⵉⵔⴰⵣ ⴰⵜⵎ (ⵎⵓⴱⵉⵍⵉⵙ), ⴷ ⵜⴰⵕⵎⵉⵙⵜ ⵙ ⵜⴼⵓⵍⵉⵏ ⴰⵢ ⵢⴻⵙⵄⴰⵏ ⵉⵀⵔⵉ ⴰⵏⵎⴻⵜⵜⵉ ⵏ 100.000.000 ⵏ ⵢⵉⴷⵉⵏⴰⵕⴻⵏ, ⴷ ⵜⵉⵏ ⴰⵢ ⴷ-ⵢⴻⵍⵀⴰⵏ ⵙ ⵜⵙⴰⵡⵍⴰ ⵜⴰⵣⵉⵔⴰⵣⵜ. ⵍⴻⵣⵣⴰⵢⴻⵔ ⵏ ⵜⵍⵉⵖⵡⴰⵍⵜ ⵏ ⵓⴳⴻⵏⵙⴰ ⴰⵜⵙ (ⵔⴻⵠⵙⴰⵜ), ⴷ ⵜⴰⵕⵎⵉⵙⵜ ⵙ ⵜⴼⵓⵍⵉⵏ ⵙ ⵢⵉⵀⵔⵉ ⴰⵏⵎⴻⵜⵜⵉ ⵏ 100.000.000 ⵏ ⵢⵉⴷⵉⵏⴰⵕⴻⵏ ⵉ ⵓⵥⴻⴹⴹⴰ ⴰⴳⴻⵏⵙⴰⵏ.